Ծառուկյանի` կառուցվող «Կեմպինսկի» ցանցի երևանյան հյուրանոցի տարածքում ապօրինի շինարարություն է կասեցվել
Աբովյան 5 հասցեում ԱԺ «Ծառուկյան» խմբակցության ղեկավար, գործարար Գագիկ Ծառուկյանին պատկանող «Մուլտի Գրուպ Կոնցեռն» ընկերությունն ապօրինի շինարարություն է իրականացրել։
Նշված հասցեում կառուցվում է «Կեմպինսկի» հյուրանոցային ցանցի երևանյան մասնաճյուղը։
Երևանի ավագանու «Իմ քայլը» խմբակցության անդամ Իզաբելա Աբգարյանը ֆեյսբուքյան իր էջում գրել է, որ շինաշխատանքները դադարեցնելու համար ոստիկանական ուժեր ներգրավելու անհրաժեշտություն է առաջացել:
«Կառուցապատողները պետք է հասկանան, որ դիմադրելը սխալ է և միայն ավելորդ լարվածություն է առաջացնում», - գրել է Աբգարյանը:
Հետևի՛ր մեզ քեզ հարմար սոցիալական ցանցում