Գագիկ Ծառուկյանը նշել է՝ ով է գլխավորելու ԲՀԿ նախընտրական ցուցակը
Առաջիկա խորհրդարանական ընտրություններում «Բարգավաճ Հայաստան» կուսակցության նախընտրական ցուցակը գլխավորելու է Գագիկ Ծառուկյանը։ Այսօր լրագրողների հետ զրույցում նա հայտնեց այս մասին՝ նշելով, որ ցուցակում լինելու են սեփականատերեր։
Լրագրողների դիտարկմանը, այսպիսով ստացվում է, որ բիզնեսը բերվում է քաղաքականություն, Ծառուկյանը պատասխանեց.
«Եթե տիրապետեք քաղաքականությանը, կհասկանաք, կիմանաք, որ ԱՄՆ-ում ամենախոշոր սեփականատերը Թրամփն է, ով երկիրն է կառավարում։ Այսօր Թրամփի օրոք գործազրկությունը ամենացածր տոկոսի վրա է»։
Նա հավելեց, որ երբ զգա, որ ժողովրդին ինքը պետք չէ քաղաքականության մեջ, նույն պահից սկսած այլևս չի մասնակցի։
Հետևի՛ր մեզ քեզ հարմար սոցիալական ցանցում