Քաղաքական ուժերի կարգախոսները
Դեկտեմբերի 9-ին կայանալիք արտահերթ խորհրդարանական ընտրություններին մասնակցության հայտ է ներկայացրել 11 քաղաքական ուժ:
Այսօր, նոյեմբերի 26-ին մեկնարկել է արտահերթ խորհրդարանական ընտրությունների նախընտրական քարոզարշավը, որը կտևի 12 օր:
Կարգախոս բառը ծագել է գելական լեզվից (sluagh-ghairm) և նշանակել «մարտական կոչ»։ Ժամանակակից նշանակությամբ առաջին անգամ օգտագործվել է 1880 թվականին։ Նախկինում մեծ կիրառություն է ունեցել նաև լոզունգ հասկացությունը։
Քաղաքական ուժերն արդեն հրապարակել են իրենց նախընտրական կարգախոսները:
- «Ազգային առաջընթաց» կուսակցություն՝ «Երկիրը կառուցելու ժամանակն է, ազգային առաջընթաց»
- «Բարգավաճ Հայաստան» կուսակցություն՝ «Ճանապարհ դեպի երազանք»
- «Իմ քայլը» դաշինք՝ «Երջանիկ անհատ, հոգատար հանրություն, հզոր պետություն»
- «Լուսավոր Հայաստան» կուսակցություն՝ «Լուսավորիր Հայաստանը»
- «Հայաստանի հանրապետական կուսակցություն»՝ «Եթե մտահոգ ես, ընտրիր Հանրապետականին»
- «Հայ Հեղափոխական Դաշնակցություն»՝ «Հավատարիմ հողին և հային»
- «Մենք» դաշինք ՝ «Առաջինը Հայաստանն է»
- «Սասնա ծռեր» կուսակցություն՝ «Ժամանակն է»
- «Քաղաքացու որոշում» սոցիալ-դեմոկրատական կուսակցություն՝ «Ապագան Քոնն է»
- «Քրիստոնեաժողովրդական վերածնունդ»՝ «Արարչագործական Հայաստան` հայուհուն վայել»
- «Օրինաց երկիր» կուսակցություն՝ «Օրինականություն, արդարություն և ապահովություն»
Հետևի՛ր մեզ քեզ հարմար սոցիալական ցանցում