Գեղասահորդ Սլավիկ Հայրապետյանը մասնակցել է ԱՄԷ-ի միջազգային մրցաշարին
Հայաստանի գեղասահքի հավաքականի անդամ Սլավիկ Հայրապետյանը ելույթ է ունեցել FBMA Trophy միջազգային մրցաշարում:
Արաբական Միացյալ Էմիրություններում կայացած մրցաշարի տղամարդկանց մենասահքին մասնակցում էին միայն երկու մարզիկ: Երկու` կարճ և ազատ ծրագրերից հետո Սլավիկ Հայրապետյանը 208.63 միավորով առաջին տեղում է, իսկ Իռլանդիայի ներկայացուցիչ Կոնոր Սթեյքլումը՝ երկրորդ:
Սլավիկ Հայրապետյանը կմասնակցի գեղասահքի Եվրոպայի առաջնությանը, որը կկայանա Մոսկվայում:
Հետևի՛ր մեզ քեզ հարմար սոցիալական ցանցում