Աբովյանում արևային վահանակների գործարան կկառուցվի մոտ 100 աշխատատեղով
«Մուլտի Սոլար» ՍՊ ընկերությունը Աբովյան քաղաքում արևային վահանակների արտադրության գործարան է կառուցելու. կառավարությունը նոյեմբերի 29-ի նիստում հարկային արտոնություն է տվել ընկերությանը:
Ընկերությունը կատարել է մոտ 484 մլն դրամի չափով ներդրում, ստեղծել թվով 28 աշխատատեղ։
Մեկնարկած ծրագրի շրջանակում ընկերությունը նպատակադրված է կատարել ընդհանուր մոտ 967 մլն դրամի ներդրում, որը պետք իրականացնի մի քանի փուլերով։
Առաջին փուլով ընկերությունը արտոնություն էր ստացել ներմուծվող ապրանքների մասով 54,2 մլն դրամի չափով և կատարել ցանկով հաստատված ամբողջ ներմուծումը, այժմ երկրորդ փուլի շրջանակում նախատեսում է ներմուծել ևս 116.8 մլն դրամի ապրանք։
Ներդրումային ծրագրի շրջանակում կստեղծվի 97 աշխատատեղ` միջին աշխատավարձը կկազմի 192,000 դրամ:
Հետևի՛ր մեզ քեզ հարմար սոցիալական ցանցում