Սեյսմիկ խոցելիությամբ 26 դպրոց կնորոգվի
ՀՀ առաջին փոխվարչապետի պաշտոնակատար Արարատ Միրզոյանի գլխավորությամբ տեղի ունեցած սեյսմիկ անվտանգության բարելավման ծրագրի միջգերատեսչական աշխատանքային խմբի հերթական նիստի ընթացքում որոշվել է, որ դպրոցների ցանկը, որոնք ունեն առավելագույն սեյսմիկ խոցելիություն և ենթակա են վերակառուցման կամ ամրացման ծրագրի շրջանակում։
Նիստի ընթացքում որոշումներ են կայացվել Եղեգնաձորի թիվ 1 հիմնական դպրոցի կառուցման, Երևան քաղաքի թվով 4 դպրոցների վերակառուցման և 1 դպրոցի ամրացման նախագծերի հետագա ընթացքի, Երևանի Մ. Մխոյանի անվան թիվ 68 հիմնական դպրոցի տարածքի ընդլայնման և թիվ 18 հիմնական դպրոցում առկա էլեկտրական ենթակայանի տեղափոխմանն առնչվող հարցերի վերաբերյալ։
Ցանկը ներառում է՝
- Արագածոտնի մարզի Սասունիկ, Օհանավան և Շենավան,
- Արարատի մարզի Փոքր Վեդի, Վանաշեն, Հովտաշատ, Հայանիստ, Մասիս և Այգեստան,
- Արմավիրի մարզի Պտղունք, Փարաքար, Ջրաբերդ և Մրգաշատ,
- Կոտայքի մարզի Հրազդան, Աբովյան և Կամարիս,
- Լոռու մարզի Վանաձոր, Օձուն և Ալավերդի,
- Գեղարքունիքի մարզի Գեղհովիտ և Ճամբարակ,
- Տավուշի մարզի Գանձաքար,
- Շիրակի մարզի Ազատան և Արթիկ,
- Վայոց ձորի մարզի Վայք և Գետափ համայնքներում գործող թվով 26 դպրոցներ։
Սեյսմիկ անվտանգության բարելավման ծրագիրն իրականացվում է ՀՀ կառավարության և Ասիական զարգացման բանկի միջև կնքված վարկային պայմանագրի հիման վրա: Ծրագրի ընդհանուր բյուջեն կազմում է $107 մլն, որից բանկի վարկային միջոցները կազմում են $88,5 մլն: Պետական համաֆինանսավորումը կազմում է $18,5 մլն դոլար: