ԱԺ նիստն այսօր էլ դեռ չի մեկնարկել․ անհրաժեշտ թվով պատգամավորներ չեն գրանցվել

Ազգային ժողովում այսօր էլ դեռևս չի մեկնարկել 14 միլիոն դոլար կաշառք ստանալու մեջ կասկածվող հանրապետական պատգամավոր Արամ Հարությունյանին անձեռնմխելիությունից զրկելու հարցի քննարկումը։

Այսօր ժամը 10։00-ի դրությամբ 105 պատգամավորից գրանցվել է ընդամենը 11-ը, իսկ քվորում ապահովելու համար հարկավոր է 53 պատգամավորի ներկայություն։ Չորս ժամվա ընթացքում, եթե անհրաժեշտ թվով պատգամավորներ չգրանցվեն, նիստն այսօր էլ կտապալվի։

Հիշեցնենք, որ երեկվա նիստը նույնպես չկայացավ՝ քվորում չլինելու պատճառով։