Ռուսաստանը նոր կայազոր է կառուցել Կուրիլյան կղզիներում
Ռուսաստանը Կուրիլյան կղզիներում կառուցել է չորս շենք նոր կայազորի համար և հաջորդ տարվա ընթացքում կառուցելու է ռազմական նշանակության կենտրոններ:
Այդ մասին Ռուսաստանի պաշտպանության նախարարության երեկվա հայտարարությունը, ամենայն հավանականությամբ, վրդովմունքով կընդունեն Տոկիոյում, որը Մոկսվայից պահանջում է սահմանափակել ռազմական ակտիվությունը վիճահարույց կղզիների շրջանում:
Տոկիոն Երկրորդ աշխարհամարտի ընթացքում կորցրած այդ կղզիներն անվանում է «Հյուսիսային տարածք», իսկ Մոսկվան դրանք անվանում է «Հարավային Կուրիլներ»:
Չորս փոքր կղզիների շուրջ տարածքային վեճի պատճառով երկու երկրները Երկրորդ աշխարհամարտից հետո խաղաղության պաշտոնական դաշնագիր այդպես էլ չեն կնքել:
Հետևի՛ր մեզ քեզ հարմար սոցիալական ցանցում