Ամերիկյան սենատորները Սիրիայից զորքի դուրսբերումը «մեծ սխալ» են անվանել
Ամերիկացի հանրապետական սենատոր Լինդսեյ Գրեմը համարում է, որ ամերիկյան մոտ 2000 զինվորականների դուրսբերումը Սիրիայից «մեծ սխալ կլինի»։
«Թեև արմատական իսլամին դիմակայելու հարցում Ամերիկայի համբերությունը կարող է թուլանալ, ամերիկացիներին և մեր դաշնակիցներին սպանելու իսլամիստների կիրքը երբեք չի թուլանում։ Սակայն դեռևս վաղաժամ է խոսել այն մասին, թե ԻՊ-ը պարտվել է»,- ասել է նա։
ABC News-ի հետ զրույցում սենատորը հայտնել է, որ հանդիպել է պաշտպանության նախարար Ջեյմս Մեթիսի հետ և կոչ է արել այդ որոշման շուրջ քննարկումներ անցկացնել։
Գրեմը միայնակ չէ իր քննադատություններում։ Երկու հանրապետականներ ևս կասկածի են ենթարկել Սպիտակ տան որոշումը։ Կոնգրեսական Ադամ Քինզինգը, մեկնաբանելով ԻՊ-ին հաղթելու մասին Թրամփի թվիթը, հայտարարել է․
«Դա պարզապես ճիշտ չէ»։
Սենատոր Մարկո Ռուբիոն ABC News-ին ասել է, թե Սիրիայից զորքերի դուրսբերումը «հսկայական սխալ է»։