Կանադայի Բրիտանական Կոլումբիա նահանգում փոթորիկի հետևանքով հարյուր հազարավոր մարդիկ մնացել են առանց էլեկտրականության
Կանադայի Բրիտանական Կոլումբիա նահանգի հարյուր հազարավոր բնակիչներ մնացել են առանց էլեկտրականության, պատճառը տարածքին պատուհասած փոթորիկն է. այս մասին հաղորդում է CTV հեռուստաալիքը:
Հայտնի է, որ էլեկտրականության մատակարարումը խափանվել է 330 000 տներում: Տեղի օդերևութաբանական բյուրոյի հաղորդմամբ՝ որոշ հատվածներում քամու արագությունը հասնում է մինչև 100 կմ/ժ-ի:
Մեկ մարդ, մնալով փլուզված շինության փլատակների մեջ, դուրս է բերվել այնտեղից փրկարարական ուղղաթիռի օգնությամբ: Այլ տուժածների մասին տեղեկություններ չեն փոխանցվում:
Նշվում է, որ այսօր նահանգում սպասվում են մինչև 50 մմ տեղումներ:
Հետևի՛ր մեզ քեզ հարմար սոցիալական ցանցում