Գագիկ Սուրենյան. «Փետրվարը շատ տաք է լինելու»

Կանխատեսվում է շատ տաք փետրվար։ Այդ մասին իր ֆեյսբուքայն էջում է գրել ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:

«Օդի ամսական միջին ջերմաստիճանը բոլոր մարզերում կլիմայական նորմայից բարձր կլինի 3-4 աստիճանով, տեղումների քանակը սպասվում է նորմայի սահմաններում»,- ասվում է գրառման մեջ։

Հունվարի 30-31-ը, փետրվարի 1-ին, 3-ին սպասվում է առանց տեղումների եղանակ, հայտնում է ԱԻՆ մամուլի ծառայությունը:

Երևանում հունվարի 30-31-ը, փետրվարի 1-ին, 3-ին սպասվում է առանց տեղումների եղանակ: Փետրվարի 2-ին սպասվում են տեղումներ: Ցերեկային ժամերի օդի ջերմաստիճանը կհասնի +9-ի: