«Թուրքական առաջնորդների աճող ավտորիտարիզմը բարդացնում է ԱՄՆ-ի հետ հարաբերությունները»․ ԱՄՆ ազգային հետախուզության տնօրեն՝ Դեն Քոութս
Սենատի հետախուզական հանձնաժողովին ներկայացնելով գլոբալ սպառնալիքների մասին իր զեկույցը, ԱՄՆ ազգային հետախուզության տնօրեն Դեն Քոութսը հայտարարել է․
«Թուրքիայի տարածաշրջանային հավակնությունները, Միացյալ Նահանգների հանդեպ անվստահությունը և թուրքական առաջնորդների աճող ավտորիտարիզմը բարդացնում են երկկողմ հարաբերությունները և Անկարային ստիպում են ավելի մեծ պատրաստակամությամբ մարտահրավեր նետել տարածաշրջանում ԱՄՆ նպատակներին։
Թուրքիան կշարունակի որպես մեծ սպառնալիք դիտարկել «Քրդական աշխատավորական կուսակցությանը», այդ թվում՝ Սիրիայում քուրդ զինյալներին, և իսլամական քարոզիչ Ֆեթուլլահ Գյուլենին, ով, թուրքական առաջնորդների կարծիքով, պատասխանատվություն է կրում 2016թ-ի չհաջողված հեղաշրջման համար»,- news.am-ի փոխանցմամբ՝ ասել է Քոութսը։
Հետևի՛ր մեզ քեզ հարմար սոցիալական ցանցում