Ռուսաստանի Դաշնության կազմի մեջ մտնող Դաղստանի Հանրապետության Կիզլյար քաղաքում հրդեհ է բռնկվել երկու խոշոր առևտրի կենտրոններում, վնասվել են նաև մոտակայքում գտնվող մի քանի խանութներ, գրում է ՏԱՍՍ գործակալությունը՝ հղում անելով քաղաքապետարանի մամուլի ծառայությանը:

Նշվում է, որ այրվել են «Պլանետա լյուքս» և «Սոյուզ» առևտրի կենտրոնների շենքերը, երկուսն էլ եղել են 3-հարկանի: Հայտնի է, որ հրդեհն արդեն մարված է:

Գործակալության աղբյուրը հայտնել է, որ տեղում աշխատում են արտակարգ իրավիճակների ծառայությունների աշխատակիցները, դեպքի վայր է ժամանել նաև քաղաքի գլխավոր դատախազը:

Տուժածների մասին տեղեկություններ չեն հաղորդվում, հրդեհի բռնկման պատճառները նույնպես դեռևս անհայտ են: