Կալուգայում ավտոբուսի վթարից հայեր են տուժել
Ռուսաստանի Կալուգայի շրջանում ավտոբուսի վթարից տուժածների թվում նաև հայեր կան: Տուժածները ՌԴ քաղաքացիներ են, հայտնում է ՌԴ-ում Հայաստանի դեսպանատունը:
Վթարի հետևանքով տուժել են 2008թ-ին ծնված Մարիա Առաքելյանը և 1988-ին ծնված Սոնա Ադամյանը: Նրանք տեղափոխվել են Կալուգայի քաղաքային հիվանդանոց:
Տեղեկությունները մյուս տուժածների մասին ճշտվում են: Ավտոբուսում հիմնականում երեխաներ են եղել: Դեսպանատունը մշտական կապի մեջ է ՌԴ համապատասխան մարմինների հետ:
Վթարը տեղի է ունեցել փետրվարի 3-ի առավոտյան Կալուգայի մարզում: 48 ուղևորից 33-ը երեխա է եղել: Տրանսպորտային միջոցը դուրս է եկել երթևեկելի գոտուց և շրջվել: Վթարի հետևանքով զոհվել է 7, վիրավորվել 32 մարդ:
Հետևի՛ր մեզ քեզ հարմար սոցիալական ցանցում