Վրաստանն ու ՌԴ-ն համաձայնության են եկել ցամաքային առևտրում Հայաստանի համար կարևոր հարցում
Ռուսաստանի Դաշնությունն ու Վրաստանն ավարտին են հասցրել 2011թ-ին կնքված համաձայնագրի կիրարկմանն անհրաժեշտ գործընթացը, որը թույլ կտա առևտրի և ապրանքների փոխադրման համար օգտագործել Աբխազիայի և Հարավային Օսիայի տարածքները:
Այս մասին հայտնում է ռուսաստանյան «Կոմերսանտը»՝ վկայակոչելով իր աղբյուրներին:
«Մաքսային վարչարարության և առևտրի մշտադիտարկման մեխանիզմի հիմնական սկզբունքների մասին» համաձայնագիրը երկու երկրի միջև կնքվել է 2011թ-ի նոյեմբերի 9-ին Ժնևում:
Լրատվամիջոցը գրում է, որ Հայաստանը նույնպես շահագրգռված է տարանցիկ միջանցքի գործարկմամբ, որը կարող է այլընտրանք դառնալ Վերին Լարսին:
Ավելի վաղ ՌԴ փոխարտգործնախարար Գրիգորի Կարասինը հայտարարել էր, որ հայկական կողմը դիմել էր Աբխազիայի և Հարավային Օսիայի տարածքներում միջանցքը գործարկելու խնդրանքով:
Հետևի՛ր մեզ քեզ հարմար սոցիալական ցանցում