2019թ-ի հունվարի 1-ին զինծառայող է մահացել
2019թ-ի հունվարի 1-ին՝ ժամը 04:00-ի սահմաններում, դիրքում կրծքավանդակի շրջանում հրազենային վնասվածքով հայտնաբերվել է պայմանագրային զինծառայող Էդգար Էդուարդի Գրիգորյանը: Նա տեղափոխվել է Մեղրի ԲԿ, որտեղ ժամը 08:10-ին մահացել է:
Դեպքի առթիվ հարուցվել է քրեական գործ ՀՀ ՔՕ-ի 110-րդ հոդվածի 1 մասով (ինքնասպանության հասցնել):
Այս մասին պաշտոնական կառույցները չեն հայտնել։ Պատահարից մեկ ամիս անց այս մասին իմացել է Tert.am լրատվական կայքը, որը դեպքի մասին հաստատում ստացել է պաշտպանության նախարարությունից։
ՀՀ պաշտպանության նախարարի մամուլի խոսնակ Արծրուն Հովհաննիսյանն այս առիթով ասել է․
«Դեպքը գաղտնի չի պահվում, ուղղակի չենք հայտնել առաջինը։ Դրանք տարբեր բաներ են»։
Հետևի՛ր մեզ քեզ հարմար սոցիալական ցանցում