Հայաստանում բուքմեյքերների աշխատանքը սահմանափակող նախագիծ է մշակվել
ԱԺ փոխխոսնակ Ալեն Սիմոնյանը շրջանառության մեջ է դրել «Վիճակախաղերի մասին» ՀՀ օրենքում լրացումներ կատարելու մասին և «Շահումով խաղերի, ինտերնետ շահումով խաղերի և խաղատների մասին» ՀՀ օրենքում լրացում կատարելու մասին օրինագծերը:
Դրանցով կսահմանափակվեն բուքմեյքերական գրասենյակների գործունեությունը ՀՀ տարածքում, ինչպես նաև կարգելվի գազալցկայաններում և տարբեր հանրային վայրերում հայտնի սարքավորումների միջոցով վիճակախաղի կազմակերպումը:
«Այս նախաձեռնությունը օրակարգ էր բերվել դեռ նախորդ գումարման ԱԺ-ում և չնայած կառավարության կողմից ստացել էր դրական եզրակացություն` ՀՀԿ ներկայացուցիչները խոչընդոտեցին դա քննարկման դնելու հնարավորությունը», - գրել է նա:
Հետևի՛ր մեզ քեզ հարմար սոցիալական ցանցում