ԱԺ-ն առաջին ընթերցմամբ ընդունել է ոստիկաններին տեսաձայնագրումներ կատարել թույլատրող օրենքը
Ազգային ժողովում քննարկման ներկայացված «Ոստիկանության մասին» օրենքում լրացումներ և փոփոխություններ կատարելու մասին նախագիծն ընդունվել է առաջին ընթերցմամբ:
Նախագծին դեմ են քվեարկել ԵԼՔ և «Ծառուկյան» խմբակցությունները։
Նախագծով առաջարկվում է հանցագործությունները բացահայտելիս, հասարակական կարգը և երթևեկության անվտանգությունը պահպանելիս ոստիկանության ծառայողներին թույլատրել տեսաձայնագրող կամ լուսանկարահանող սարքեր օգտագործել:
Սահմանվում է նաև պարտադիր նախազգուշացման պահանջ, շարժականի դեպքում՝ բանավոր, իսկ անշարժ սարքերի դեպքում ցուցանակներ տեղադրելու և կայքում հասցեները հրապարակելու միջոցով։
Տեսանյութերը կամ լուսանկարները ոչնչացվում են դրանց ամրագրումից 7 օր անց: Դրանց ոչնչացումը կարող է տարաժամկետվել միայն ոստիկանության համապատասխան տարածքային մարմնի ղեկավարի որոշմամբ՝ մի շարք դեպքերում: