2020թ-ին 450 միկրոավտոբուս պիտի հանվի շահագործումից
Երևանի քաղաքապետ Հայկ Մարությանը լրագրողների հետ զրույցում ասել է, որ համայնքը տրանսպորտային ցանցի մասով ծայրահեղ վատ վիճակում է հայտնվել։
Նա հայտնել է, որ հաշվի առնելով այն, որ օրենքով միկրոավտոբուսները 15 տարուց ավելի շահագործելու իրավունք չունեն, 2020թ-ին դրանցից 450-ը պետք է լքեն ցանցը:
«Մյուս տարի 450 միկրոավտոբուս պետք է հանվի ցանցից, այն դեպքում, երբ օրական մոտ 900 միկրոավտոբուս է սպասարկում Երևանը: Այսինքն՝ ուղիղ կեսը չեն կարողանա աշխատել», - ասել է Մարության:
Նա նշել է, որ այս պահին հրատապ կերպով փորձում են լուծել խնդիրը:
«Նախատեսված է, որ նոր ցանցը պատրաստ կլինի արդեն երկու տարի հետո, բայց հիմա քաղաքապետարանի խնդիրն է հասկանալ՝ ինչ անել այդ երկու տարում», - եզրափակել է Մարությանը:
Հետևի՛ր մեզ քեզ հարմար սոցիալական ցանցում