Ֆուտբոլային վիճակագրության և պատմության միջազգային ֆեդերացիան (IFFHS) Մադրիդի «Ռեալին» ճանաչել է 2017 թվականի լավագույն ակումբ:

Նախորդ մրցաշրջանում նրանք հաղթել են Իսպանիայի առաջնությունում, նվաճել էին ՈւԵՖԱ-ի ու Իսպանիայի Սուպերգավաթները, Աշխարհի ակումբային առաջնության ու Չեմպիոնների լիգայի գավաթները: Այս մրցանակները թույլ են տվել մադրիդյան ակումբին գտնվել վարկանիշային աղյուսակի առաջին հորիզոնականում:

Աղյուսակը կազմելուց հաշվի են առնվում մայրցամաքային և միջմայրցամաքային մրցաշարերը, ներքին առաջնության հանդիպումները և գավաթային խաղերի արդյունքները՝ սկսած 1/16 եզրափակիչներից:

1.«Ռեալ Մադրիդ» - 328 միավոր

2.«Գրեմիո» - 286 միավոր

3.«Մանչեսթեր Յունայթեդ» - 284 միավոր

4.«Բարսելոնա» - 269 միավոր

5.ՊՍԺ - 266 միավոր

6.«Ֆլամենգո» - 256 միավոր

7.«Յուվենտուս» - 254 միավոր

8.«Բավարիա» - 250 միավոր

9.«Մանչեսթեր Սիթի» - 244 միավոր

10.«Զալցբուրգ» - 240.5 միավոր