Ադրբեջան-Իրան սահմանին փոխհրաձգություն է տեղի ունեցել
Միջադեպ է տեղի ունեցել Ադրբեջան-Իրան սահմանին:
Ըստ ադրբեջանական լրատվամիջոցների, մարտի 10-ի վաղ առավոտյան իրանա-ադրբեջանական սահմանին՝ Ֆիզուլիի շրջանի Բալա Բահմանլի գյուղի մոտ տեղակայված «Հորադիզ» սահմանապահ ջոկատի տարածքում փոխհրաձգություն է տեղի ունեցել:
Սահմանապահները հայտնաբերել են Իրանից մոտեցող զինված մարդկանց, որոնք «չենթարկվելով ադրբեջանցի սահմանապահների պահանջներին ու նախազգուշական կրակոցներին», կրակ են բացել: Փոխհրաձգության արդյունքում 2 ադրբեջանցի սահմանապահ է վիրավորվել՝ Սահավետ Մամեդովն ու Վիդադի Ջաբրաիլովը: Մամեդովը հոսպիտալի ճանապարհին մահացել է: Զինյալները նահանջել են, հայտնում է Haqqin.az-ը:
Հետևի՛ր մեզ քեզ հարմար սոցիալական ցանցում