Սոցիալական ապահովության ծառայության պետ է նշանակվել Սուրեն Ղամբարյանը
Վարչապետ Նիկոլ Փաշինյանի հրամանով Սուրեն Ղամբարյանը նշանակվել է սոցիալական ապահովության ծառայության պետ:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-ին մասով՝ Սուրեն Ղամբարյանին նշանակել աշխատանքի և սոցիալական հարցերի նախարարության սոցիալական ապահովության ծառայության պետ»,- ասված է վարչապետի որոշման մեջ:
Սուրեն Ղամբարյանը ծնվել է 1987 թ., ապրիլի 16, Երևանում:
2002-2004թթ. սովորել է ՀՊԱՀ հենակետային վարժարանում, 2004-2008թթ ավարտել է ՀՊԱՀ տնտեսագիտական ֆակուլտետը։ 2009-2011թթ. ավարտել է ՀՀ ԳԱԱ գիտակրթական միջազգային կենտրոնը (մագիստրատուրա)։
2009-2011թթ. եղել է ՀՀ ԿԱ ՊԵԿ Մաշտոցի տարածքային հարկային տեսչության հարկային տեսուչ
2011-2013թթ. եղել է ՀՀ ԿԱ ՊԵԿ Շենգավիթի տարածքային հարկային տեսչության հարկային տեսուչ, ՀԾ 3-րդ դասի խորհրդական
2013-2018թթ եղել է ՀՀ ԿԱ ՊԵԿ խոշոր հարկ վճարողների հարկային վարչության-տեսչության բաժնի պետի տեղակալ: Ամուսնացած է, ունի երկու երեխա: