Սիրիայում վիրավորված հայ սակրավորը տեղափոխվել է Մոսկվայի հոսպիտալ: Նրան մարտի 15-ին այցելել է ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանը, որը Մոսկվայում է աշխատանքային այցով:

Դավթյանը մասնակցում է ԱՊՀ անդամ պետությունների զինված ուժերի գլխավոր շտաբերի պետերի կոմիտեի հերթական նիստին, հայտնում է ՊՆ հասարակայնության հետ կապերի բաժինը:

Մինչ Մոսկվա տեղափոխվելը հայ սակրավորը բուժում էր ստանում սիրիական հոսպիտալում։

Հայ սակրավորը Սիրիայում մարդասիրական առաքելության իրականացման ընթացքում ոտնաթաթի շրջանում ականապայթյունային վիրավորում էր ստացել մարտի 7-ին: