Քրդագետ Կարեն Հովհաննիսյանը ֆեյսբուքյան իր էջում գրել է.

«Թուրքիայում ավելի քան 7000 բանտարկյալ հացադուլ է հայտարարել ի պաշտպանություն Աբդուլլահ Օջալանի: Հացադուլի հետևանքով մահացել է արդեն 5 հոգի: Այսօր Մարդինի E տիպի բանտում, իր խցում մահացել է հացադուլ հայտարարած Մեդյա Չինարը: 24-ամյա Չինարը ձերբակալվել էր 2016թ.-ի մայիսին, ում մեղադրանք էր առաջադրվել PKK-ի հետ համագործակցելու համար:

Ինչպես նախորդ չորս մահացածների դեպքում, այս դեպքում ևս նախատեսվում է Թուրքիայի ողջ տարածքում անցկացնել ցույցեր, որոնք ուղղված են լինելու թուրքական կառավարության դեմ, որը ուշադրություն չի դարձնում մահացող հասադուլավորների վրա»: