Լեզվի կոմիտեն ներկայացնում է օտարաբանությունների և դրանց հայերեն համարժեքների նոր ցանկ։ Կոմիտեն նշում է, որ ներկայացվող բառերը նորաստեղծ չեն, հորդորակը պարզապես հիշեցնում է դրանց մասին․

ԼԵԶՎԻ ԿՈՄԻՏԵՆ ՀՈՐԴՈՐՈՒՄ Է

խոսելիս ու գրելիս նկատի ունենալ օտար բառերի հայերեն հետևյալ համարժեքները.

  • ամբիցիոզ - հավակնոտ
  • ասոցացնել - զուգորդել
  • արգումենտ - փաստարկ
  • բլոկադա - շրջափակում, պաշարում
  • դեդլայն - վերջնաժամկետ
  • դեստրուկտիվ - ապակառուցողական
  • դիսկրիմինացիա - խտրականություն
  • էքսպերիմենտալ - փորձառական
  • էքսպերտ - փորձագետ
  • էքստրեմիստ - ծայրահեղական
  • ինթերն - փորձնակ, փորձալրող
  • ինթերնշիփ - փորձաշրջան
  • ինֆրաստրուկտուրա - ենթակառուցվածք
  • կոմպոնենտ - բաղադրիչ, բաղկացուցիչ
  • կոմունիկացիա - հաղորդակցություն
  • կոնսոլիդացիա - համախմբում
  • կոնտենտ - բովանդակություն
  • նեյտրալ - չեզոք
  • նոն-ստոպ - անդադար, անընդմեջ, անընդհատ
  • պարամետր - չափանիշ
  • պերմանենտ - ած․ մշտական, մշտատև, մկբ մշտապես
  • պոստուլատ - կանխադրույթ
  • պրոցես - գործընթաց, ընթացք
  • ռեգլամենտ - աշխատակարգ
  • սատելիտ - արբանյակ
  • սեսիա - 1․ քննաշրջան, 2․ նստաշրջան
  • ստատուս - կարգավիճակ
  • ստրատեգիա - ռազմավարություն
  • տակտիկա - մարտավարություն
  • փասվորդ - գաղտնաբառ