Եվրախորհրդի խորհրդարանական վեհաժողովի նոր նախագահ է դարձել իտալացի քաղաքական գործիչ Միկելե Նիկոլետին։ Այդ պաշտոնում նրա հաստատումը տեղի է ունեցել Ստրասբուրգում ԵԽԽՎ-ի հունվարյան նստաշրջանի բացմանը: Նիկոլետիի թեկնածությունը միակն էր, պատգամավորներից այլևս ոչ ոք այս անգամ չէր առաջադրվել խորհրդարանի խոսնակի պաշտոնում:

Նիկոլետին այդ պաշտոնում փոխարինել է Ստելլա Կիրիակիդիսին, ով ԵԽԽՎ-ի ղեկավարի ժամանակավոր պաշտոնակատարն էր 2017 թվականի հոկտեմբերի սկզբին նախկին նախագահ Պեդրո Ագրամունտի պաշտոնաթողությունից հետո: ԵԽԽՎ-ի ղեկավարի լիազորությունների ժամկետը մեկ տարի է՝ մեկանգամյա երկարացման հնարավորությամբ: