Ձերբակալվել է «Դուխով Հայաստան» ֆեյսբուքյան էջի վարողը
Ազգային անվստանգության ծառայությունը ձերբակալել է «Դուխով Հայաստան» ֆեյսբուքյան էջի վարողին։
Այս մասին է հայտնել ԱԱԾ տնօրեն Արթուր Վանեցյանը։
Նշենք, որ էջը հայտնի է, օրինակ, գազի արտահոսքի մասին ազդարարող համակարգերն անջատելու կոչերով ու կրոնական փոքրամասնությունների, մասնավորապես՝ «Կյանքի խոսք» կազմակերպության դեմ տարվող քարոզչությամբ։
Վանեցյանը նշել է, որ հարուցված է քրգործ՝ ազգային, կրոնական, ռասայական ատելություն հարուցելու հատկանիշներով։ Այլ տեղեկություններ նա չի հաղորդել, նշելով, որ կառույցի մամուլի ծառայությունը լրացուցիչ մանրամասներ կտրամադրի, հայտնում է Factor.am-ը։
Հետևի՛ր մեզ քեզ հարմար սոցիալական ցանցում