Հայկական բնապահպանական ճակատ․ «Ամբողջ աշխարհում գետային էկոհամակարգերը կանգնել են լրջագույն խնդիրների առաջ»
Հայկական բնապահպանական ճակատը հայնտում է, որ ամբողջ աշխարհում գետային էկոհամակարգերը կանգնել են լրջագույն խնդիրների առաջ՝ հատկապես նրանց վրա կառուցված տարաբնույթ պատնեշ-ամբարտակների պատճառով։
Ձևավորվել է մի միջազգային շարժում, որը տարեցտարի ընդլայնում է իր աշխարհագրությունը և պայքարում է ջրային պատնեշների դեմ: Շարժումը կրում է Աշխարհի գետերը անունը, իսկ արդեն 22-րդ տարին նշվող միջոցառումը, որն իրականացնում են այս շարժման մասնակիցները աշխարհի տարբեր ծայրերից, հայտնի է որպես Գետերի համար գործողությունների միջազգային օր: Այն նշվում է մարտի 14-ին, որի ժամանակ աշխարհի տարբեր համայնքներ բարձրացնում են իրենց ձայնը հանուն գետերի պաշտպանության և կարևորում իրենց ձայնի լսելի լինելը:
Հայաստանում նույնպես այս էկոլոգիական և սոցիալական խնդիրը շատ արդիական է։