Ֆիլիպիններում ժայթքել է Մայոն հրաբուխը (տեսանյութ)
Ֆիլիպիններում 75 հազարից ավելի մարդ է տարհանվել Մայոն հրաբխի ժայթքման պատճառով:
Ըստ վերջին տվյալների, լույս հունվարի 25-ի գիշերը գրանցվել են լավայի՝ 400-ից մինչև 500 մետր բարձրությամբ արտանետումներ, մոխրասյուները հասնում են 3-ից մինչև 5 կիլոմետր բարձրության:
Ավելի վաղ Ֆիլիպինների հրաբխագիտության և սեյսմոլոգիայի ինստիտուտը մինչև չորրորդ (նախավերջին) մակարդակ է բարձրացրել Մայոն հրաբխի ժայթքման վտանգի մակարդակը: Իշխանությունները վտանգավոր գոտին ընդլայնել են 8 կիլոմետրով, պարապմունքները դադարեցված են Ալբայի նահանգի բոլոր ուսումնական հաստատություններում: Քաղաքացիական ավիացիայի ինքնաթիռներին հանձնարարված է խուսափել հրաբխի մերձակայքում թռիչքներից, հաղորդել է ՌԻԱ Նովոստին:
Հետևի՛ր մեզ քեզ հարմար սոցիալական ցանցում