Արսեն Ջուլֆալակյանը ըմբշամարտի Եվրոպայի առաջնությունում նվաճել է բրոնզե մեդալ
Ռումինիայի մայրաքաղաք Բուխարեստում ընթացող ըմբշամարտի Եվրոպայի առաջնությանը պայքարը շարունակում են հունահռոմեկան ոճի ըմբիշները: Հայաստանը 77 կգ քաշային կարգում ներկայացնող Արսեն Ջուլֆալակյանը բրոնզե մեդալի համար պայքարում հաղթեց Բուլղարիան ներկայացնող Տիխոմիր Ալեքսանդրովի հետ։
Հիշեցնենք, որ Ջուլֆալակյանը պայքարն սկսեց որակավորման փուլից, որտեղ 5:3 հաշվով հաղթեց Նիդերլանդների ներկայացուցիչ Մարսել Ստերկենբուրգին, սակայն 1/8 եզրափակչում 3։7 հաշվով պարտվեց Գերմանիան ներկայացնող Ռոլանդ Շվարցին, ով հասավ մինչև եզրափակիչ՝ հնարավորություն տալով Արսենին շարունակել պայքարը բրոնզե մեդալի համար։ Սփոփիչ գոտեմարտում Արսենը 2:1 հաշվով հաղթեց ադրբեջանցի Էլվին Մուրսալիևին, ապա նաև 5:1 հաշվով առավելության հասավ մոլդովացի Դանիել Կատարագայի նկատմամբ:
Հետևի՛ր մեզ քեզ հարմար սոցիալական ցանցում