Պորտուգալիայում զբոսաշրջային ավտոբուսը վթարի է ենթարկվել. 28 մարդ մահացել է
Պորտուգալիայի Մադեյրա կղզում ավտովթար է տեղի ունեցել զբոսաշրջային ավտոբուսի մասնակցությամբ, որի հետևանքով 28 մարդ է մահացել:
Քաղաքային իշխանության ղեկավար Ֆիլիպե Սուզան նշում է, որ զոհերի թվում, ենթադրաբար, 11 տղամարդ և 17 կին կա: Նրանք բոլորը զբոսաշրջիկներ են Գերմանիայից:
Ավտոբուսի վարորդն ու էքսկուրսավարը, որոնք երկուսն էլ պորտուգալացիներ են, վնասվածքներ են ստացել: Նրանց վիճակի մասին այլ տեղեկություն չի հաղորդվում:
Դեռևս պարզ չէ, թե այլ ազգության ներկայացուցիչներ ավտոբուսում եղել են, թե ոչ:
Հետևի՛ր մեզ քեզ հարմար սոցիալական ցանցում