Հայաստանում Եվրոպայի օրվան նվիրված միջոցառումներ կանցկացվեն Հայաստանի 5 քաղաքում և կամփոփվեն մայրաքաղաք Երևանում: ՀՀ-ում Եվրոպական միության պատվիրակությունը հրավիրում է բոլորին՝ մասնակցելու Եվրոպայի օրվա հանրային միջոցառումներին:

Երևանում մայիսի 21-ին տեղի կունենա դասական համերգ՝ Լյուդվիգ վան Բեթհովենի 9-րդ սիմֆոնիան, և ամփոփիչ բացօթյա տոնակատարություն մայիսի 26-ին:

Եվրոպայի օր 2019թ-ի տոնական միջոցառումները կանցնեն Ճանապարհ դեպի Եվրոպա խորագրի ներքո: Եվրոպայի օրվա մարզային տոնակատարություններն արդեն տեղի են ունեցել Կապանում և Եղեգնաձորում: Տոնակատարությունները կշարունակվեն մայիսի 17-ին՝ Իջևանում, մայիսի 18-ին՝ Դիլիջանում, և մայիսի 19-ին՝ Գյումրիում: