Հովհաննես Թումանյանի թանգարանը հրավիրում է միասին նշելու Ամենայն հայոց բանաստեղծի ծննդյան 151-րդ տարեդարձը
Հովհաննես Թումանյանի ծննդյան 151-ամյակի կապակցությամբ բանաստեղծի թանգարանը նախաձեռնել է մի քանի միջոցառումներ։
Փետրվարի 19-ին թանգարանում միջոցառումների մեկնարկը կտրվի ժամը 10:30-ին՝ հյուրասիրությամբ և գրքերի տոնավաճառով, որը կշարունակվի մինչև ժամը 18:00-ն: Ժամը 10:30-16:00-ն թանգարանում կանցկացվի կենացների մրցույթ, ժամը 11:30-ին կլինի «Ընտանեկան փոստարկղ» կրթական ծրագրի շնորհանդեսը, ժամը 13:00-ին՝ «Ռոտոնդա» ներառական թատերախմբի ներկայացումը, ժամը 14:00-ին «Սիրունի՜կ, սիրունի՜կ» և «Ձեր ծանոթները» մանկական բանաստեղծությունների գունազարդ գրքի շնորհանդեսը:
Ժամը 15:00-ին Երևանի էստրադային և ջազային պետական քոլեջի սաները հանդես կգան «Կիկոսի մահը» և «Սուտլիկ որսկանը» ներկայացումներով, ժամը 17:00-ին կմեկնարկի «Տիեզերք» բենդի մենահամերգը:
Նշենք, որ Հովհաննես Թումանյանի թանգարանը գտնվում է Մոսկովյան 40 հասցեում։ Մանրամասների համար կարող եք զանգահարել 010 560 021, 010 516 021 հեռախոսահամարներով։