Ucom-ի միայն 34 սպասարկման կենտրոն կաշխատի ՀՀ-ի ամբողջ տարածքում
Գիտակցելով ստեղծված արտակարգ իրավիճակը և գնահատելով հանրապետության ինտերնետ և բջջային կապի հասանելիության անխափան աշխատանքի կարևորությունն այս օրերին` Ucom ընկերությունը որոշել է անցնել արտակարգ ռեժիմով աշխատանքի:
• Կաշխատի սպասարկման 34 կենտրոն ամբողջ հանրապետության տարածքում, մնացածը կլինեն ժամանակավորապես փակված
• Վաճառքի և սպասարկման կենտրոններում արդեն իսկ կատարվում են մշտական ախտահանման աշխատանքներ
• Գրասենյակներում և սպասարկման սրահներում աշխատակիցները սպասարկումը իրականացնում են պաշտպանիչ դիմակներով և ձեռնոցներով, գրասենյակներում մշտական առկա են ախտահանիչ միջոցներ
• Աշխատակիցները գրասենյակ մուտքի ժամանակ և օրվա ընթացքում ջերմաչափվում են
• Ucom ցանցի մոնիտորինգի կենտրոնը, սերվերային սենյակները, տեխնիկական սպասարկման բաժինը, մյուս ստրատեգիական բաժինները նախապատրաստված են և աշխատում են 24/7 գրաֆիկով։
Բոլոր առցանց հարթակները շարունակում են գործել՝
• ծառայությունների և սարքավորումների ձեռբերում
• ծառայությունների վճարում
Տեխնիկական սպասարկման բաժնում յուրաքանչյուր խնդիր լուծվելու է ըստ արտակարգ դրության ժամանակ սահմանված առաջնահերթության։
Առողջապահության նախարարության 8003 թեժ գիծը գործում է անվճար անգամ զրոյական կամ բացասական հաշվեկշռի դեպքում։
Կարևորելով բաժանորդների հարմարավետությունը տանը մնալու այս օրերին՝ ընկերությունը հայտնում է, որ uTV հեռուստատեսային ծառայության տեսավարձույթ բաժնում ավելացվել է ֆիլմերի «Անվճար» բաժինը, որտեղ տեղադրված են բազմաժանր ֆիլմեր բոլոր տարիքի բաժանորդների համար, որոնք դիտելիս գումար չի գանձվի։
Հետագա քայլերի մասին կտեղեկացվի։