150 մլրդ դրամ է հատկացվելու՝ ՀՀ տնտեսությունը վիրուսի ազդեցության հետևանքները հաղթահարելու համար
ՀՀ վարչապետ Նիկոլ Փաշինյանը «Շանթ» հեռուստաընկերության եթերում հայտարարել է, որ կորոնավիրուսի ազդեցությունը հաղթահարելու համար պետությունը ՀՀ տնտեսությանը 150 մլրդ դրամի աջակցություն կհատկացնի։
Ըստ նրա՝ այդ աջակցությունը փաթեթների է բաժանվելու։
Առաջինը․ կլինի առաջիկա մի քանի օրում։ 25 մլրդ դրամ կհատկացվի ու կուղղվի այն ընկերություններին, որոնք դրամով վարկ կվերցնեն՝ աշխատավարձ ու հարկեր, կոմունալներ վճարելու, հումք ձեռք բերելու համար և այլն։ Վարկի 50%-ը գործադիրը 0%-ով կհամաֆինանսավորի, բանկային հատվածի տոկոսը ևս կսուբսիդավորի, որ վարկը լինի 0 տոկոսով։
Երկրորդը. Կառավարությունը նպատակ ունի գյուղատնտեսական վարկերը սուբսիդավորելու, որ դրանք դառնան 0-տոկոսանոց։
Երրորդը 30 մլրդ դրամի սոցիալական հրատապ աջակցության փաթեթ է, որի նպատակն է «թույլ չտալու սոցիալական կարգավիճակի գահավիժում»։
«Դա արվում է հնարավոր սոցիալական հրդեհը մարելու համար»,- նշել է Փաշինյանը
Եվս 80 մլրդ դրամ, (իրականում, ինչպես շեշտեց վարչապետը, անսահմանափակ գումար) կուղղվի իրական նորարար նախագծերի մեջ ներդրնելու համար։
Վարչապետը համեմատել է աշարհի տնտեսությունը կորոնավիրուսից հետո շինհրապարակի հետ, որտեղ պետք է նոր տնտեսություն կառուցել։