Գագիկ Ծառուկյանը Կենդանաբանական այգուն կնվիրի իր մեծացրած սպիտակ առյուծին
«Բարգավաճ Հայաստան» կուսակցության առաջնորդ Գագիկ Ծառուկյանն իր ֆեյսբուքյան էջում հայտնել է, որ Երևանի կենդանաբանական այգուն կնվիրի իր մեծացրած Սիմբա անունով առյուծին:
Նշվում է, որ եզակի ցեղատեսակի առյուծի մասին Ծառուկյանն անձամբ է մշտապես հոգ տարել ու խնամել:
«Եվ հիմա բացառիկ այդ կենդանուն Հունիսի 1-ին ընդառաջ ես պարտաստվում եմ նվիրել Երևանի կենդանաբանական այգուն: Հուսով եմ, որ հազարավոր մանուկներ բնության այս հրաշալիքին տեսնելով ու շփվելով էլ ավելի կսիրեն բնությունն ու կենդանական աշխարհը»,- ասվում է գրառման մեջ:
Ծառուկյանը նաև տեսանյութ է հրապարակել վերջերս լույս աշխարհ եկած նորածին ալբինոս կորյունների եռյակի մասնակցությամբ:
Հետևի՛ր մեզ քեզ հարմար սոցիալական ցանցում