Ucom ընկերությունը շարունակում է ցանցի վերականգնման աշխատանքները, դրանցում ներգրավված են նաև Nokia և Ericsson ընկերությունների օտարերկրյա գործընկերները:

«Շարժական կապի ձայնային և տվյալների փոխանցման ծառայությունների, ինչպես նաև ֆիքսված ինտերնետի և ամպային համակարգի հասանելիությունը մասնակի վերականգնվել է»,- ասվում է ընկերության Facebook-յան էջում տարածված հաղորդագրության մեջ։

Նշվում է, որ զանգերի սպասարկման կենտրոնի աշխատանքը ևս խոշոր վթարի պատճառով խափանված է եղել, այս պահին վերականգնվել է, սակայն հազարավոր զանգերի պատճառով գործում է գերբեռնված ռեժիմով։

Ընկերությունից հայտնում են, այս ընթացքում հնարավոր են որոշակի դժվարություններ ցանցի ընդհանուր աշխատանքում և հայցում բաժանորդների ներողամտությունը: