ԿԳՄՍ նախարար Արայիկ Հարությունյանը Հանրային հեռուստաընկերության եթերում հայտնել է․

«Մենք դաստիարակելու ենք ՀՀ քաղաքացի, որը, դուրս գալով դպրոցից, լինելու է քննադատող, վերլուծող, հմտություններով և գիտելիքներով զինված»:

Նախարարը հայտնել է, որ հայոց լեզվի դասաժամերը ոչ միայն չեն կրճատվելու, այլև ավելանալու են. գործող չափորոշիչով տարրական դպրոցում մայրենիի համար հատկացված է 650 դասաժամ, իսկ նոր չափորոշիչով նախատեսվում է 718 դասաժամ, միջին դպրոցում՝ 850, նախատեսվում է՝ 893, ավագում՝ 500, նախատեսվում է՝ 571։