Արցախի մարդու իրավունքների պաշտպան Արտակ Բեգլարյանն իր ֆեյսբուքյան էջում անդրադարձել է նախօրեին Ադրբեջանում տեղի ունեցած բողոքի ակցիաներին․

«Ադրբեջանում տեղի ունեցած՝ պատերազմի կոչերով ու հայատյաց կարգախոսներով հանրահավաքները ևս մեկ անգամ ցույց տվեցին այդ երկրում հայատյացության խորքայնությունն ու մեծ ծավալները:

Սակայն գլխավոր ինտրիգն այն էր, որ Ադրբեջանի իշխանությունները երկու ոտքով խրվում են իրենց «փայփայած» հայատյացության ճահճում, և կուտակված ատելությունն ու կիրառվող «ղարաբաղյան» խաղաքարտը գնալով ավելի ու ավելի են դուրս գալիս առաջնահերթորեն հենց իրենց դեմ:

Հ.Գ. Հետաքրքիր է բազմամարդ հանրահավաքներից օրեր անց վերլուծել այնտեղ կորոնավիրուսի տարածման տեմպերն ու ծավալները և դրանց ազդեցությունը առաջնագծի ու տնտեսության վրա... Չեմ զարմանա, որ պետական քարոզչամեքենան մեղադրի հայերին կորոնավիրուսի տարածման համար»: