Այսօր ժամը 11-ին վարչապետ Նիկոլ Փաշինյանն Ազգային ժողովում կպատասխանի պատգամավորների հարցերին, ինչպես նաև ելույթ կունենա և կներկայացնի իրադրությունը շփման գծում, ԱԺ նիստի մեկնարկին հայտարարել է Ազգային ժողովի նախագահ Ալեն Սիմոնյանը։

Նիստերը բոյկոտած ընդդիմադիր «Հայաստան» խմբակցության ղեկավար Սեյրան Օհանյանն ու խմբակցության քարտուղար Արծվիկ Մինասյանը նիստերի դահլիճում են։

Մինասյանն առաջարկել է ընթացիկ օրակարգերը մի կողմ մղել ու քննարկել ստեղծված իրադրությունն ու անելիքները, որ իբրև պետություն պետք է իրականացնել՝ առաջարկելով նաև մաքսիմալ բաց և ոչ ժամկետային սահմանափակմամբ քննարկել «ստեղծված իրավիճակին հանգեցնող գործողությունները, այդ թվում՝ իշխանության պատասխանատվությունը՝ այն կեղծ օրակարգը խաղաղասիրական, որ հանգեցրեց այս ամենի»։

Մինասյանը տեղեկացրել է, որ հայտարարության նախագծի վրա են աշխատում և առաջիկայում այդ հայտարարությունը կառաջարկեն, որպեսզի Ազգային ժողովի ամբիոնը կարողանան լիարժեք օգտագործել բաց և անկեղծ քննարկում ծավալելու, բոլորի պատասխանտվություններն ու անելիքները ֆիքսելու ուղղությամբ։