Լոնդոնում տասնյակ հազարավոր մարդիկ աշխատողների իրավունքների աջակցության համար ցույցի են դուրս եկել (տեսանյութ)
Շաբաթ օրը տասնյակ հազարավոր մարդիկ Լոնդոնում մասնակցել են Մեծ Բրիտանիայի արհմիությունների կոնգրեսի կողմից կազմակերպված ցույցին, որպեսզի հայտարարեն նվազագույն աշխատավարձի բարձրացման անհրաժեշտության մասին: Ակցիայի կազմակերպիչն է Բրիտանական արհմիությունների կոնգրեսը (TUC):
Ցուցարարներին միացել է Բրիտանիայի ընդդիմադիր Լեյբորիստական կուսակցության առաջնորդ Ջերեմի Կորբինը, ով խոստացել է, որ իշխանության գալու դեպքում առանձին նախարարություն է ստեղծելու, որը կերաշխավորի աշխատողների իրավունքների իրագործումը:
TUC-ի տվյալներով՝ 2008-ի ֆինանսական ճգնաժամից հետո բրիտանական աշխատողի միջին շաբաթական աշխատավարձը այժմ 24 ֆունտով քիչ է (32.5 դոլար), քան 10 տարի առաջ և ըստ կանխատեսումների, մինչև 2025թ․ չի վերադառնա նախաճգնաժամային մակարդակին: Աշխատավարձի աճի այս դինամիկան վատագույնն է համարվում Բրիտանիայում վերջին 200 տարվա ընթացքում, նշել է Բրիտանական արհմիությունների կոնգրեսը: