ՀՀ Ոստիկանության պետ Վալերի Օսիպյանի հրամաններով մարզային ոստիկանապետեր են փոփոխվել
Այսօր ՀՀ Ոստիկանության պետ Վալերի Օսիպյանը հրամաններ է ստորագրել:
Վ. Օսիպյանի հրամանով․
- Ոստիկանության գնդապետ Արմեն Գասպարյանը նշանակվել է Ոստիկանության Արարատի մարզային վարչության պետ, ով ՀՀ Ոստիկանապետի մեկ այլ հրամանով ազատվել է Ոստիկանության Արաբկիրի բաժնի պետի պաշտոնից:
- Ոստիկանության գնդապետ Սևան Քոչարյանը ազատվել է Ոստիկանության Արարատի մարզային վարչության պետի պաշտոնից և նշանակվել է Ոստիկանության Շիրակի մարզային վարչության պետ:
- Ոստիկանության Շիրակի մարզային վարչության պետ Գրիգոր Գրիգորյանը ազատվել է զբաղեցրած պաշտոնից և նշանակվել Ոստիկանության Վայոց Ձորի մարզային վարչության պետ:
- Աշխատանքից ազատվել և Ոստիկանության կադրերի ռեզերվ է ուղարկվել Ճանապարհային ոստիկանության 2-րդ սպայական գումարտակի 6-րդ վաշտի հրամանատար Անդրանիկ Շաղոյանը, նրա փոխարեն նույն վաշտի հրամանատար է նշանակվել Գեղամ Մարգարյանը, ով ՀՀ Ոստիկանապետ Վ. Օսիպյանի հրամանով ազատվել է Ճանապարհային ոստիկանության օպերատիվ կառավարման կենտրոնի պետի տեղակալի պաշտոնից: