Կապանում սպասվում են համայնքապետի արտահերթ ընտրություններ
Կենտրոնական ընտրական հանձնաժողովի կայքի համաձայն՝ հոկտեմբերի 21-ին Կապանում սպասվող համայնքապետի արտահերթ ընտրություններին ինքնառաջադրվել է 4 թեկնածու, որոնցից 3 անկուսակցական են, իսկ մեկը՝ «Քաղաքացիական պայմանագիր» կուսակցությունից:
Թեկնածուներն են՝
- Սյունիքի մարզպետի տեղակալ, ՔՊ-ական Նարեկ Բաբայանը,
- «Կապանի լեռնահարստացման կոմբինատ» ՓԲԸ-ի իրավաբանական բաժնի պես Էդգար Հովհաննիսյանը,
- «Արկ» բնապահպանական հասարակական կազմակերպության ծրագրերի ղեկավար Արմեն Ղազարյանը,
- «Ռազ-Բիլդինգ» ՍՊԸ-ի գլխավոր տնօրեն Գևորգ Փարսյանը:
Հիշեցնենք, որ այժմ Կապանի համայնքապետի ժամանակավոր պաշտոնակատարն է «Քաղաքացիական պայմանագիր» կուսակցության անդամ Նարեկ Ղահրամանյանը: Վերջինս այդ պաշտոնում նշանակվել էր վարչապետ Նիկոլ Փաշինյանի որոշմամբ հուլիսին՝ այն բանից հետո, երբ հրաժարական էր տվել 2012թ-ից Կապանը ղեկավարող ՀՀԿ-ական Աշոտ Հայրապետյանը: