Սիրիայում զինյալների հրթիռակոծման հետևանքով 5 օտարերկրացի զինվորական է զոհվել
Սիրիայում օտարերկրացի հինգ զինվորական է զոհվել, հաղորդում է «Ալ-Վաթան» գործակալությունը` վկայակոչելով Դեյր-էզ-Զորի աղբյուրները:
Ըստ այդմ` հրթիռային հարվածի հետևանքով սպանվել են բրիտանացի զինվորականներ, որոնք գործում էին միջազգային կոալիցիայի գործողությունների շրջանակում:
Ռազմական բախումը տեղի է ունեցել Ալ-Շաաֆ գյուղում: Հրթիռը գործարկվել է «Իսլամական պետություն» զինյալների կողմից: Մի քանի զինվորական վիրավորվել է և տեղափոխվել են հիվանդանոց:
Ավելի վաղ, ԶԼՄ-ները հաղորդել էին, որ Սիրիայում ԻՊ-ի հարձակման հետևանքով վիրավորվել է բրիտանացի երկու հատուկ ջոկատային: Ենթադրվում է, որ Սիրիայում ներգրավված են բրիտանական հատուկ ուժեր, թեև Պաշտպանության նախարարությունն այդ լուրը չի հաստատում:
Հետևի՛ր մեզ քեզ հարմար սոցիալական ցանցում