Ադրբեջանցի հաքերները հայերի ֆեյսբուքյան մոտ 2000 հաշիվ և էլ․ հասցե են կոտրել
Ադրբեջանցի հաքերները կոտրել են մոտ 2000 հայկական էլեկտրոնային հասցեի և ֆեյսբուքյան հաշիվների մուտքային տվյալներ։ Այս մասին հայտնել է մեդիափորձագետ Սամվել Մարտիրոսյանը։
Նա հրապարակել է կոտրված հաշիվների և էլ․ հասցեների տվյալներ։
«Պատահականության սկզբունքով մի քանի հաշիվ ստուգեցի․ մուտք գործել լինում է։ Ստուգեք (Ctrl F կօգնի որոնել ֆայլում), եթե կաք այստեղ, ապա մտեք, փոխեք գաղտնաբառերը, քանի դեռ ադրբեջանցիները հաշիվները չեն տարել», - գրել է մեդիափորձագետը։
Նա հավելել է, որ հաքերները հայտարարում են 10,000 հաշիվ կոտրելու մասին։
«Խիստ գերագնահատում են (ադրբեջանցի հաքերները) իրենց արածը, մեծ մասը կրկնվող հաշիվներ են», - գրել է նա։
Հետևի՛ր մեզ քեզ հարմար սոցիալական ցանցում