Արաբկիրում գտնվող վարկային կազմակերպության վրա հարձակում է եղել, հափշտակել են գումար:

Տեղի ունեցածի վերաբերյալ Tert.am-ի հետ զրույցում ՀՀ ոստիկանության լրատվական վարչության պետի տեղակալը՝ Էդգար Ջանոյանը, ասաց, որ հարձակման մասին ոստիկանությանը հայտնել է կազմակերպության աշխատակիցը.

«Հունվարի 21-ին՝ առավոտյան ժամը 09:15-ին, նշված ընկերության աշխատակիցը զանգահարել է ոստիկանություն և հայտնել, որ 09:10 դիմակավորված անձը մուտք է գործել Արաբկիրի տարածքում գտվող վարկային կազմակերպություն և հափշտակել գումար»:

Ոստիկանությունից հայտնեցին, որ պարզվել է, որ հարձակում գործած անձը եղել է դանակով զինված: Դեպքի հանգամանքները պարզվում են, կատարվում է քննություն: