Ուկրաինան չի ընդունել Թուրքիայից ներկրված 17.2 տոննա լոլիկը՝ ապրանքում առկա հարավաֆրիկյան տոմատային ցեցի առկայության պատճառով, այս մասին գրում է թուրքական diken.com.tr կայքը:

Ուկրաինայում սննդամթերքի անվտանգության պետական ծառայության և սպառողների պաշտպանության ծառայության համատեղ հայտարարության մեջ նշվում է, որ սահմանային անցակետում գտնվող 17.2 տոննա թուրքական լոլիկը նախատեսվում է հետ ուղարկել Թուրքիա:

Հայտարարության մեջ նաև ընդգծվել է, որ ապրանքի՝ սահմանված սանիտարահիգիենիկ պահանջներին չհամապատասխանելու հետ կապված թուրքական կողմին գրավոր զգուշացում է ուղղվել:

Հատկանշական է, որ սա Ուկրաինա ներկրվող թուրքական լոլիկի հետ ուղարկման արդեն երկրորդ դեպքն է այս ամիս: Մարտի սկզբին Ուկրաինան չէր ընդունել Թուրքիայից ներկրված 11.8 տոննա լոլիկ: