78 միլիոն դրամ կհատկացվի «Մատենադարան»-ի հարկային պարտավորությունների մարման նպատակով
Կառավարությունն այսօրվա նիստին որոշել է 78 միլիոն դրամ տրամադրել «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամին՝ հարկային պարտավորությունները մարելու նպատակով։
Գումարը հիմնադրամին կտրամադրվի կառավարության պահուստային ֆոնդից։ Վերջինս կմարի ավելացված արժեքի հարկի գծով առաջացած հարկային պարտավորությունը։
Գործադիրի՝ գումարի հատկացման այս որոշումը ներկայացրել էր կրթության և գիտության նախարարությունը։
Ըստ նախարարության՝ ԱԱՀ-ի գծով հարկային պարտավորությունները այդ կազմակերպության մոտ ի հայտ են եկել Պետական եկամուտների կոմիտեի իրականացրած բյուջեի հետ փոխհարաբերությունների և հարկային մարմնի կատարած ստուգման արդյունքներով:
Հետևի՛ր մեզ քեզ հարմար սոցիալական ցանցում